Plantun de Prouvènço

Pèr coumpara dos planto d'encò nostre

Carex praecox & Salvia glutinosa

Queirello(-proumierenco)

Carex praecox

Cyperaceae

Àutri noum : Moutouso, Sagneto.

Noms en français : Laîche précoce, Laîche de Schreber.

Descripcioun :
Aquesto queirello, proun raro, trachis dins li pelouso sablouso un pau umido, souvènt proche d'aigo. Es uno planto primo souvènti fes torso que fai un rizoumo di proun ramifica. Se recounèis à si pichòtis espigueto que caupon de flour masclo à la baso e femello emé dous estigmate en aut. Lis escaumo soun brunello amé de uno costo pu claro e acabado pèr uno arèsto. Avisas-vous que i'ague un pichot mameloun au bout dis antèro que dèvon faire mens de 2 mm. Coumpara emé la queirello-divisado que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 30 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Brunello
Petalo : ges
Ø (o loungour) enflourejado : 1 à 2,5 cm
Flourido : Printèms

Sòu : Ca
Autour basso e auto : 0 à 1000 m
Aparado : Vo
Abriéu à jun

Liò : Tepiero sablouso - Ribo d'aigo
Estànci : Mesoumediterran
Couroulougi : Érousiberiano-Sud
Ref. sc. : Carex praecox Schreb., 1771

Sàuvi(-pegouso)

Salvia glutinosa

Lamiaceae Labiaceae

Nom en français : Sauge glutineuse.

Descripcioun :
La sàuvi-pegouso èi coumuno soulamen au levant de Prouvènço. Trachis dins li bos fres e en ribo d'aigo. Es eisa de la recounèisse d'abord qu'èi proun pegouso, pièi emé si flour jauno qu'èi bèn la souleto à n'en agué.

Usanço :
Couneissèn pas d'usanço tradiciounalo prouvençalo pèr aquesto sàuvi. En Éuropo dóu levant se n'en fai de tisano contro lou raumas e lou tussi. D'ùni estùdi an moustra d'interessanto prouprieta anti-bateriano, anti-enflamativo e anti-óussidanto.

Port : Grando erbo
Taio : 30 à 80 cm
Fueio : óupousado
Tipe bioulougico : Emicriptoufite
Cicle bioulougico : Planto renadivo

Gènre : Salvia
Famiho : Lamiaceae
Famiho classico : Labiaceae

Ordre : Lamiales

Coulour de la flour : Jauno
Petalo : 5
Ø (o loungour) flour : 3 à 4 cm
Flourido : Estiéu

Sòu : Si (Ca)
Autour basso e auto : 400 à 1800 m
Aparado : Noun
Juliet à setèmbre

Liò : Bos fres - Castagnaredo - Prado à rousèu - Ribiero
Estànci : Subremediterran à Mountagnard
Couroulougi : Éurasiatico
Ref. sc. : Salvia glutinosa L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Carex praecox & Salvia glutinosa

ges

Coumpara Queirello(-proumierenco) emé uno autro planto

Coumpara Sàuvi(-pegouso) emé uno autro planto